नाशिक ; कमी दरात चहा, पाववडा विक्रीच्या संशयातून तरुणाचा खून

नाशिक : कमी दरात चहा व पाववडा विकतो, अशी बदनामी केल्याच्या संशयावरुन एकाने टपरीचालकावर चाकूहल्ला केल्याची धक्कादायक घटना समोर आली आहे. या हल्ल्यात टपरीचालकाचा मृत्यू झाला आहे. ही घटना काल गुरुवारी आरटीवो कॉर्नर – रासबिहारी लिंक रोडवर घडली. याप्रकरणी म्हसरुळ पोलीस ठाण्यात नोंद करण्यात आली आहे. चहा टपरीजवळ दुसरी चहाची टपरी लावल्यातून आणि कमी दरात चहा व पाववडा विकतो, अशी बदनामी केल्याच्या संशयावरुन हा हल्ला केल्याची माहिती आहे.  या हल्ल्यात टपरीचालकाचा मृत्यू झाला आहे. ही घटना काल गुरुवारी नाशिक येथील आरटीवो कॉर्नर – रासबिहारी लिंक रोडवर घडली. याप्रकरणी म्हसरुळ पोलीस ठाण्यात नोंद करण्यात आली आहे.

तुषार काळे (वय ३६ रा. कळसकर नगर , आरटीवो कॉर्नर, रासबिहारी लिंक रोड, नाशिक) असे मृत्यू झालेल्या तरुणाचे नाव आहे. संशयित आकाश काळे असे ताब्यात घेतलेल्या हल्लेखोराचे नाव आहे.

दरम्यान, पोलिसांच्या माहितीनुसार, काळे याच्या चहा टपरीजवळ संशयित आकाश काळेने चहा टपरी सुरु केली. त्यातून दोघांमध्ये वाद सुरु झाले. गुरुवारी (दि.२६) सायंकाळी ५ वाजेदरम्यान दोघांमध्ये वाद झाला. कमी दरात चहा व पाववडा विकतो,अशी बदनामी का करतो अशी विचारणा संशयित आकाशने तुषारला केली. त्यानंतर वादाचे रुपांतर हाणामारीत झाले.राग अनावर झाल्याने आकाशने तुषारच्या डाव्या पायाच्या मांडीवर चाकूहल्ला केला.

त्यानंतर आकाश पळून गेला. तुषार गंभीर जखमी झाल्याने त्यास उपचारासाठी खासगी रुग्णालयात दाखल करण्यात आले होते. उपचारादरम्यान तुषारचा मृत्यू झाला. ही बाब पोलिसांना समजताच गुरुवारी रात्री म्हसरूळ पोलीस ठाण्याच्या गुन्हे शोध पथकातील पोलीस नाईक गणेश रेहरे, पोलीस शिपाई दिनेश गुंबाडे, बलदेव राठोड यांनी संशयित आकाश यास राहत्या घराजवळ ताब्यात घेतले.

आमच्या व्हाट्सअप ग्रुपला जॉइन होण्यासाठी या लिंक वर क्लिक करा  

https://chat.whatsapp.com/KELD8khS9K5Dqnj7BexDx7

आमच्या  फेसबूक पेज ला  फॉलो करण्यासाठी या लिंक वर क्लिक करा 
https://m.facebook.com/106619358294186/