महिला पोलिसांची संख्या ३३ टक्क्यांपर्यंत वाढवा : केंद्र सरकार

नवी दिल्ली :  पोलीस दलात रिकाम्या असलेल्या पदांपैकी काहींचे रुपांतर महिला पोलीस शिपाई व उपनिरीक्षक पदांमध्ये करावे तसेच राज्यांनी त्यांच्या पोलीस दलामध्ये महिला पोलिसांचे प्रमाण ३३ टक्क्यांपर्यंत वाढवावे अशी सूचना केंद्रीय गृह खात्याने केली आहे.

दरम्यान, सर्व राज्ये व केंद्रशासित प्रदेशांमध्ये पोलिसांची संख्या २० लाख ९१ हजार ४८८ आहे. त्यात महिला पोलिसांची संख्या २ लाख १५ हजार ५०४ म्हणजे एकूण पोलिसांच्या फक्त १०.३० टक्के आहे. अशी माहिती खासदार कार्ति पी. चिदंबरम यांनी यासंदर्भात विचारलेल्या प्रश्नावर केंद्रीय गृहराज्यमंत्री नित्यानंद यांनी दिली आहे.

तसेच, पोलीस हा भारतीय राज्यघटनेच्या सातव्या अनुसूचीच्या दुसऱ्या यादीत येणारा राज्यांच्या कक्षेतील विषय आहे. त्यामुळे पोलीस दलात महिला पोलिसांची भरती व त्यांची संख्या वाढविण्याची जबाबदारी राज्यांची आहे. पोलीस दलात पुरुष व महिला पोलिसांच्या संख्येत समतोल राखण्याचे काम राज्यांनी करायचे आहे.

आमच्या व्हाट्स ग्रुप ला जॉइन होण्यासाठी या लिंक वर क्लिक करा  https://chat.whatsapp.com/KELD8khS9K5Dqnj7BexDx7

आमच्या  फेसबूक पेज ला  फॉलो करण्यासाठी या लिंक वर क्लिक करा 
https://m.facebook.com/106619358294186/