मुंबई, ठाणेसह, ‘या’ ठिकाणी पुढील काही तासांत मुसळधार पावसाची शक्यता
मुंबई : अनेक दिवसांच्या विश्रांती नंतर आता बंगालच्या उपसागरात तयार झालेल्या कमी दाबाच्या क्षेत्रामुळे राज्यात पावसाने पुनरागमन केले आहे. मुंबई, कोकणासह मराठवाडय़ात बुधवारी मुसळधारांचा अंदाज हवामान विभागाने व्यक्त केला. काही ठिकाणी मुसळधार, तर काही ठिकाणी अतिमुसळधार पावसाची शक्यता व्यक्त करण्यात आली आहे. पुढील काही तासांमध्ये मुंबई, ठाणे, पालघर, रायगड जिल्ह्यांत वेगळ्या ठिकाणी मध्यम ते तीव्र पावसाची शक्यता आहे.
पालघर, मुंबई आणि रायगड जिल्ह्यांच्या काही भागांवर तीव्र ढग जमा झाल्याने मुंबईसह उपनगरे, अलिबाग, ठाणे, माथेरान, कल्याण येथे मुसळधार पावसाची शक्यता मुंबई प्रादेशिक हवामान विभागाने वर्तवली आहे. तसेच बुधवारी नाशिक, धुळे, जळगाव, नंदुरबार या जिल्ह्यांत मुसळधार पाऊस पडण्याची शक्यता आहे.
Nowcast warning issued at 0100 Hrs 1Sept : Mod to intense spells of rain very likely to occur at isolated places in the districts of Mumbai,Thane,Palghar, Raigad during next 3-4 hours. Possibility of thunder/lightning accompanied with gusty winds in some areas.
-IMD MUMBAI— K S Hosalikar (@Hosalikar_KS) August 31, 2021
दरम्यान, मंगळवारी मराठवाडय़ासह नगर आणि उत्तर महाराष्ट्रातील काही भागांत हाहाकार उडवला. पुरात सात नागरिकांसह शेकडो जनावरे वाहून गेली. अतिवृष्टीमुळे शेतीचेही नुकसान झाले. अनेक ठिकाणी दरडी कोसळून वाहतूक ठप्प झाल्याने जनजीवन विस्कळीत झाले आहे.
आमच्या व्हाट्सअप ग्रुपला जॉइन होण्यासाठी या लिंक वर क्लिक करा
https://chat.whatsapp.com/KELD8khS9K5Dqnj7BexDx7
आमच्या फेसबूक पेज ला फॉलो करण्यासाठी या लिंक वर क्लिक करा
https://m.facebook.com/106619358294186/
