फेसबुकपाठोपाठ यूट्यूबचाही तालिबान्यांना दणका

तालिबानने अफगाणिस्तानवर ताबा मिळवल्यानंतर सत्ता स्थापनेच्या हालचाली सुरू केल्या आहेत.अफगाणिस्तानमध्ये तालिबान्यांनी सत्ता हस्तगत केल्यापासून दहशतीचे वातावरण आहे.  फेसबुकने तालिबानच्या विरोधात मोठी कारवाई केली आहे.फेसबुकने कारवाई करत तालिबानला फेसबुकच्या सेवांपासून वंचित ठेवण्याचा निर्णय घेतला आहे. फेसबुक पाठोपाठ आता यूट्यूबने देखील तालिबानच्या मालकीचे आणि त्यांच्याकडून चालवण्यात येणाऱ्या अकाउंट्सवर बंदी घातली आहे. अमेरिकन सोशल मीडिया कंपन्यांनी मंगळवारी अफगाणिस्तानमधील काही गटांसाठी त्यांचे नियम स्पष्ट केले आहेत.

फेसबुकने तालिबान ही अमेरिकेच्या कायद्यानुसार दहशतवादी संघटना असल्याचे म्हटले आहे. त्यामुळे तालिबानला फेसबुकच्या सेवांपासून वंचित ठेवण्याचा निर्णय घेण्यात आला आहे. याशिवाय तालिबानची सर्व अकाऊंट हटवली जाणार आहेत. तसेच, तालिबानच्या समर्थनार्थ पोस्ट करणाऱ्या सर्व अकाऊंटवर बंदी घातली जाईल. फेसबुकच्या प्रवक्त्याने ही माहिती दिली आहे. त्या पाठोपाठ यूट्यूब देखील तालिबान्यांना मोठा दणका देणार असल्याची माहिती समोर आली आहे.

फेसबूक आणि व्हॉट्सअॅपने तालिबानने काबूलवर नियंत्रण मिळवल्यानंतर तक्रार हेल्पलाइन बंद केली आहे. व्हॉट्सअॅपच्या प्रवक्त्याने यावर प्रतिक्रिया देण्यास नकार दिला. परंतु अमेरिकेच्या कायद्यानुसार, तालिबानचे अधिकृत खाते म्हणून प्रतिनिधित्व करणाऱ्या खात्यांवर बंदी घालणे बंधनकारक असल्याचे त्यांनी सांगितले. नागरिकांनी हिंसाचार, लूटमार किंवा इतर समस्यांची तक्रार करण्यासाठी असलेला इमरजेन्सी हॉटलाइन नंबर फेसबुकने ब्लॉक केला आहे. यासह त्यांनी तालिबानचे काही अकाउंट्सदेखील ब्लॉक केले आहेत.

आमच्या व्हाट्स ग्रुप ला जॉइन होण्यासाठी या लिंक वर क्लिक करा  https://chat.whatsapp.com/KELD8khS9K5Dqnj7BexDx7

आमच्या  फेसबूक पेज ला  फॉलो करण्यासाठी या लिंक वर क्लिक करा 
https://m.facebook.com/106619358294186/